عيد الوطن ناقص كثيــر !!!

[center] [center]قالوا عيد ...
عيد الوطن (ناقص كثيييير) !

هنا شايب .. يبكي وجع
له دواء .. بس ماله سرير

وهنا طفل .. مات جوع
يشوف الاكل .. لكنه فقير

وهذا شاب .. مملي صراع
عنده شهاده .. بس عمه مو وزير

وهذي بنت .. شرفها ضاع
تعرف الدين .. بس ابوها مو امير

هذا الوطن
لاحصانة / لا أمانة
لا شعور / ولا ضمير

القوي خويه امير
والضعيف ماله خوي الا الفقير
الرواتب تنقص ماتزيد
والعنوسة والبطالة والعديد ...

والنفط يكرر ثم يصدر
لأجل :
المغرب تبني شوارع !
والبحرين تنشأ مصانع !
والسعودي تحتهم ضايع !!!

هذا الوطن خيره لغيره
ومن تكلم مجهول مصيره ..

فاضت بيوتنا
علم وشهادات

وشبعت عيوننا
قهر واهانات

لاجديد كل سنة ..
والسعودي يعيد

يابلادي انا ابنك
كبري لحمي لاجل ابرك

ولا حياه لمن ينادي ..ولا جديد يابلادي

كل عام وخيرك لغيرك .. والسعودي
جايع / ضايع

ولا جديد يابلادي كل عام وانت مطمع للاعادي

عريّنا واستريهم
بكيّنا واسعديهم

وحزة المحنة
تلاقينا وتفقديهم

كل عام يابلادي
انت جرحي
انت فرحي
انتي جوعي
وانتي زادي

كل عام .. ابكي يابلادي
لاني فقير .. ماني وزير
لاني جايع .. ماني امير
لاني صغير ..ماني كبير

كيف أحبك ؟ علميني يابلادي؟
كل عام اسالك وللاجابة :
ماني لاقي ...

بقلم : بيان بنت ناصر ..
ما احلل من يشيل اسمي ...

من بريدي

[/center]
[/center]

ماأجمل تلك المشاعر التي
خطها لنا قلمكِ الجميل هنا
لقد كتبتِ وابدعتِ
كم كانت كلماتكِ رائعه في معانيها
فكم استمتعت بردكِ الجميل
بين سحر حروفكِ التي
ليس لها مثيل

شاكره تواجدك خيو

صح لسان الكاتب
يعطيج العافيه

صح بدنك يتشكر تواجدك